高海寧齊瀏海新髮型獲讚「減齡」 小背心上陣歎陽光勁Chill. 高海寧（高Ling）近年演藝事業越做越掂，形象百變嘅佢向來勇於挑戰唔同風格。昨日（19日），高海寧喺社交平台分享咗一輯喺外地工作時嘅花絮相，仲興奮留言：「一邊度假一邊工作 正！」其中兩張相，佢以全新齊瀏海新髮型亮相，即刻引嚟大批網民留言激讚造型「減齡」。
從相中見到，高Ling呢趟行程相當充實又愉快。一向熱愛運動、形象健康嘅佢，趁工作空檔都唔忘保持最佳狀態，換上運動裝喺健身室認真操練。之後又換上清新亮麗嘅簡約背心，喺泳池邊同戶外享受難得嘅悠閒時光。除咗個人靚相吸睛，高Ling仲分享咗同隨行團隊喺餐廳聚餐嘅大合照，席上大家齊齊對鏡頭大擺搞笑甫士，睇得出眾人感情非常好。TVB
