印尼MNC集團進軍香港微短劇市場 丁子朗：港劇應發揮職業劇優勢. 印尼最大綜合數位娛樂與媒體集團PT MNC Digital Entertainment Tbk，日前喺香港舉行V+Short發布會，正式進軍全球微短劇市場，並以香港為據點拓展國際業務，連接大中華區觀眾。集團秉持「Step Into the Story」（步入故事新視界）理念，主打高品質、高張力嘅直屏短劇內容，為手機用戶打造沉浸式敘事體驗。
發布會請來多位藝人及娛樂公司代表出席，包括丁子朗、吳業坤、涂毓麟、許惠菁、李爾晨、賴彥妤、黃芷晴、蔡港評等，以及英皇集團、邵氏兄弟、A+娛樂、東方影業、天下一集團、銀河海潤演藝等業界代表。
丁子朗接受傳媒訪問時認為，香港喺短劇市場方面發展得比較慢。佢話，與其同亞洲其他成熟城市硬撼，不如發展其他城市冇嘅嘢，例如港劇擅長嘅職業劇、人性味重嘅劇集都好出色，大家各做自己嘅專長，先至有機會突圍。TVB
