陳俞霏捲入學歷爭議霸氣回應：可說含金量低，但未必是假.《中年好聲音2》第五名、女團MISSY成員陳俞霏（霏霏）早前在社交平台開心分享自己取得「MBA工商管理碩士」畢業證書，寫道：「啊霏！你得咗啦！考咗個MBA充實自己，完成咗自己2025年嘅一個小小目標。」她更表示學習新知識讓自己快樂，生活處處是舞台，充滿正能量。不過，網民的焦點卻落在證書發行機構「Academy Europe OpenUniversity」上。
有眼尖網民質疑該機構雖然聲稱擁有各種認證，但並非國家級官方教育部門，更批評機構名稱不倫不類。也有人指出證書上的姓名排列不符合歐洲習慣，甚至有人搜到淘寶上有類似證書，售價僅55元人民幣，引發「假學歷」質疑。
面對大量質疑聲，陳俞霏迅速刪除IG帖文，並在限時動態反擊：「我決定唔去自證任何嘢，因為咁係件好無聊嘅事，反正學到係我自己，刪就係費事你哋嘈亂巴閉。」不過，她在Threads上的帖文仍未刪除，繼續引來網民留言揶揄。
陳俞霏今日（3/4）現身荃灣復活節新歌巡禮活動，接受《香港01》訪問時回應事件：「其實我覺得好好笑，含金量同假係有區別，你可以話我含金量低，但唔一定係假。呢個網站大家都可以去考，免費嘅。」她強調證書是真實文本，本來就是那個樣子。
被問到為何刪除帖文，陳俞霏透露：「公司叫我唔好點回應，其實我冇所謂，你哋都成日鬧我。公司只係叫我唔好回應，我自己誤會咗公司意思，所以刪咗個Po。」
她坦言理解部分網民心態：「有人會話你虛榮要學歷，但學歷唔會代表到我虛榮，我真正嘅虛榮更加大。希望大家如果想做啲乜嘢，就抓緊時間去做，哪怕周圍聲音唔好，你自己知道問心無愧就得。」TVB
