薛家燕去年接逾百個騷！大女憂健康幫推job：想我減3分1.現年75歲的薛家燕向來以「女強人」形象見稱，入行數十年從不言倦，去年更接連爆騷，全年演出超過百場。雖然她對工作充滿熱情，但三名子女卻非常擔心她的身體狀況。
今日（28/3）薛家燕現身新城電台出席《開心大派對》宣傳活動，她受訪時透露，大女石祐珊（珊珊）年初已私下為她推掉數個工作：「我話難得咁多job，有啲我做，大家一齊做，我又好開心，因為好多都係巡迴演唱嘅嘢。」她笑言自己享受舞台：「行到出台一聽到觀眾拍掌，嗰種開心好過畀錢你。」
不過，由於頻繁的舟車勞頓曾導致她腰部受傷，令家人更為憂心。薛家燕憶述：「試過飛完加拿大返香港，又飛馬來西亞，再返香港，之後再去大灣區同上海，就整傷咗條腰，好彩後尾整返好。」對於女兒希望她減產，她坦言：「上年連活動接咗過百個騷，我諗佢目標想我減3分1。」
猜你喜欢
作者最新文章
热门分类
娱乐TOP
娱乐最新文章