戴祖儀專訪｜揭娛圈生存陷阱 曾遭女星抹黑被包養：我公認唔需要.戴祖儀（Joey）入行7年，憑甜美外貌、法律系學霸背景及標誌性長腿深受宅男喜愛，外界總覺得她是「人生勝利組」。但她近日接受《香港01》專訪宣傳新歌《成長是個陷阱》時，剖白由小學被欺凌到入行後遭女藝人抹黑「被包養」的委屈，以及當場撞破男友劈腿的崩潰經歷。
入行遭女藝人造謠「被包養」
娛樂圈人多是非多，戴祖儀直言入行7年見識過不少現實陷阱。她分享了一個深刻經歷：「我由細到大都係同爹哋媽咪一齊住，但入行頭一兩年，竟然有位女藝人周圍同人講，話我住嗰度係有老闆。（即係話妳被包養？）類似啦。我當時好嬲，覺得大家都係女仔，點解要咁樣作故仔去對待另一個女仔？而且我都算係公認唔需要被包養，點解可以作啲咁嘅故仔？」
除了被抹黑，戴祖儀也反省自己年輕時的莽撞。她透露曾因急於爭取機會而「越級挑戰」直接找高層，結果跳過中間人引發不滿：「嗰時我咩都唔識，就會覺得我要努力，最後令到呢個結果實現咗，但原來會令中間嘅人好唔高興，覺得我唔尊重佢。」她坦言這些經歷令自己變得更成熟。
感謝吳若希「大姐姐」照顧
戴祖儀特別點名感謝好姊妹吳若希，在她初出道時如「大姐姐」般照顧和提點：「佢會話：『戴祖儀，過嚟吖。』即係佢有個位會俾我去企。因為新人出嚟唔知去邊，唔知同邊個講嘢，但當年有佢叫我過嚟一齊企，所以我係好多謝佢。」她又指吳若希教她要學會保護自己，不要甚麼都跟別人分享。
戴祖儀自爆小五轉校時，因外貌討好、成績優異且深受老師喜愛，引起學校「大家姐」不滿而遭欺凌，對方下令全校孤立她：「當時每日返學都好唔開心，踩單車返學嗰段路好大壓力，因為嗰條係我步入地獄嘅路。」這段經歷令她磨練出強心臟，並勉勵大家：「你最大嘅報復，就係將來成功過佢一百倍。」
年屆30歲的戴祖儀已單身三年。她憶述曾遇「渣男」劈腿，當日於朗豪坊與媽咪及細佬搭扶手電梯時，竟親眼撞破當時男友牽着另一女生的手：「嗰種震驚、難以置信，係反應唔到。細個會幻想如果遇到呢啲情況，即刻衝過手撕渣男，但真係發生嘅時候，原來你會呆咗。」雖然男友事後「求饒」，但她最終選擇灑脫分手：「一次不忠，百次不容，No！」TVB
