《臥底嬌娃》馬貫東大結局淚崩嘉盈父母 母親捉手勸放低整喊網民
《臥底嬌娃》今晚（27日）大結局，蘇嘉盈（李海銅飾）慘死真相水落石出，兇手權世豪（杜燕歌飾）被判終身監禁。粉精靈案件完結，奕風（馬貫東飾）終於可以堂堂正正去探望嘉盈父母。
嘉盈母親話一早就知奕風係好男仔，「我好肯定你個心放咗喺嘉盈度，同埋你係一個心思好細嘅人」。奕風感到內疚表示「真係好對唔住，我連一餐飯都同你哋食唔到，依家仲要連累咗嘉盈」。
嘉盈父親續說：「我記得嘉盈同你喺埋一齊嘅時候，佢雖然好多嘢都冇同我哋講，但佢每次提起你，佢真係笑得好幸福。」
嘉盈母親再叫奕風唔好「咩都攬晒上身」，並捉住佢隻手話，「我哋都放低咗，你都應該係時候放低」。奕風淚如泉湧，同嘉盈母親相擁，場面催淚。唔少觀眾都話雖然呢幕馬貫東冇好多對白，但佢將難過、不捨、心痛嘅複雜情緒演得恰到好處，難怪好多人都話睇到喊，留言表示「阿風唔好再怪自己喇」、「你要好好重新出發」、「嘉盈睇到一定好安慰」。TVB
