熱刺名將荷杜承認，如果前東家想搵佢取代杜陀的職位，佢會答應。
杜陀接掌熱刺後唔見起色，更吞下3連敗，繼續深陷英超護級區域；周四主場對水晶宮，喺半場已落後1-3，下半場只見熱刺球場內嘅觀眾，有大半數已經離開球場。
荷杜（Glenn Hoddle）當晚喺網上平台節目中，被問到如果有機會，是否願意接下呢個燙手山芋，佢不諱言：「我唸我會嘅，尤其係熱刺添，因為果家係我嘅球會，從8歲起就支持佢哋，所以佢哋係我生命中非常重要嘅一部份。」
荷杜球員時代喺熱刺效力咗12年，上陣近500場比賽，後來從事領隊職務，亦喺熱刺執教過兩季：「老實講，而家執教佢哋，可能是一個錯誤嘅時機。從來唔關金錢嘅問題，係如果真係有呢個需要，我會去做。」
喺杜陀上任前，另一前熱刺主教練哈利列納亦與球會扯上過關係，同樣表示願意出山救亡。
From: Now Sports- JW
猜你喜欢
【2评论】【1点赞】
【3评论】【2点赞】
作者最新文章
热门分类
体育TOP
体育最新文章