週一凌晨都幾多主教練更換嘅消息…
🇮🇹森多利亞再度更換教練，林巴度暫時做看守教練
啱啱喺聯賽 0-3 輸俾費辛隆尼，喺意乙排15位嘅森多利亞再度更換教練，辭退基古斯，暫時由林巴度作為看守教練。據報導柏基亞、施奧菲、艾治尼、基安保奴、馬蘭同廸安㨗奴都有機會接手成為下一任正式主教練。而前意大利國家隊教練文仙尼嘅仔仔安祖亞文仙尼就由舊年四月開始擔任球隊足球總監。
🇩🇪今季好多聯賽嘅護級戰都異常受關注同緊湊，而家喺德甲排尾二嘅禾夫斯堡委任10年前執教過，並且贏得德國盃、德國超級盃冠軍嘅教練希京回巢擔任領隊。
球隊目前同尾三（要踢升降班附加賽）嘅球隊差4分。
🇳🇱阿積士都宣布更換教練，52歲西班牙人奧斯卡加西亞由 U21 提升到一隊擔任教練。球隊目前排喺荷蘭聯賽第五位，距離第三位嘅歐聯外圍賽席位差兩分。

