藝人羅子溢近日正忙於拍攝無綫新劇《警是個大佬》，今次一人分飾兩角的他，劇情交代被林盛斌（Bob）靈魂附體。兩人外形有明顯差距，但合作期間卻擦出不少火花兼惺惺相惜，日前Bob便於片場偷拍子溢，然後於網上大讚對方：「呢排日日對住呢條友，講真，係幾靚仔嘅。」兩人又Chok爆合影，引發劇迷熱議。
劇集拍攝開始進入尾聲，兩人近日凌晨時分現身尖沙咀街頭，拍攝一場「講數劈友」的大場面戲份，然而拍攝現場後巷滿布曱甴，令人毛骨悚然，Bob即幽默形容「見到好多隻喺地下跑緊馬拉松」。子溢受訪笑說：「我就唔驚曱甴嘅，要我瞓喺地下都冇乜所謂，反而拍檔王敏奕就好驚喇。其實之前去啲水澗地方開工，我被咬蛟到周身都係，感覺反而唔係幾好。」子溢又指全劇文戲基本上已竣工，目前輪到拍攝動作戲：「依家出番鬧市開工，氣氛好熱鬧，人都開心啲。」
而當晚子溢不停被野生捕獲，由小朋友、少女到媽咪級粉絲，都對他有讚無彈。即使忙於埋位，只要時間配合到，子溢都會任影唔嬲。有網民形容遇上男神開工是「神仙運氣」，又特別強調「他肌肉好大塊」，令人忍俊不禁。另一位粉絲則揭露子溢工作的一面：「候拍的時候他也一直在背台詞，超用功的哦。」
