意大利教練法利奧尼 率領波圖重奪聯賽錦標🔵⚪️🏆🇵🇹
現年37歲嘅意大利教練法利奧尼（ Francesco Farioli） 正式帶領波圖（FC Porto）奪得葡超聯賽冠軍。由於摩連奴執教嘅賓菲加被法馬利卡奧以2-2 逼和，故波圖喺積分榜上已經建立9分嘅領先優勢。目前聯賽僅餘兩輪賽事，呢個意味著對手已無法趕及，球會繼四年前奪冠後再度捧起獎盃。而過去三屆嘅冠軍就分別由賓菲加以及士砵亭（兩屆）包攬。而呢一座亦都係波圖球會史上第31座聯賽冠軍。
法利奧尼執教生涯冠1️⃣🏆
法利奧尼嘅足球生涯始於守門員教練及助理領隊，曾與迪沙比（Roberto De Zerbi）喺賓尼雲圖以及薩斯索羅有過緊密合作。隨後佢前往土耳其聯賽發展，先後執教卡拿根奴克（ Fatih Karagumruk）同亞蘭耶士邦（Alanyaspor），之後更曾任教奈斯（OGC Nice） 與阿積士（AFC Ajax）。
波圖喺2025年7月聘請佢擔任領隊，而本賽季佢喺各項賽事中取得咗 38 勝 8 和 5 負嘅佳績，並帶領球隊闖進歐霸盃八強。呢座聯賽冠軍係法利奧尼執教生涯中嘅首座獎盃，而佢本人就喺上個月啱啱慶祝咗37歲嘅生日。
FCPortoPrimeiraLigaFrancesco Farioli
