【On.cc】吳業坤未收到離巢正式通知 唔怕被除名：可以掛番上去
視帝張振朗與吳業坤昨晚（8日）出席「77工作室」春茗，談到女友楊偲泳於電影《夜王》中戲份慘遭刪減，事後於社交網憑歌寄意抒發不滿，問到張振朗有否氹女友？他覺得不用氹，認為女友充滿正能量，處理事情亦很成熟：「佢係非常之樂觀，冇見唔開心，Keep住有講有笑。（佢引用英文金句回應網民批評身材？）呢啲留番畀佢答，我唔方便答，哈哈！佢都係做嘢，喺我眼中佢好好，所以我都唔會理啲批評。」他認為一部電影並非由一、兩個人能處理所有事，相信每位導演和監製也有自己想法，認為女友處理得很好。
張振朗指自己唔使氹女友楊偲泳。
吳業坤被問到是否已離巢TVB Music Group，他表示自己仍未收到正式通知，透露合約方面差不多到期但仍未談續約，對於官方網業上已被除名，他笑謂：「除咗名可以掛番上去嘅。（自己都想留低？）我覺得最緊要方向性一致，依家真係鍾意造音樂，希望可以大家了解咗去傾，依家出歌好難。」談到他「TMG一哥」位置搶手，他坦言是否一哥沒有所謂，最重要大家尊重並覺得自己是一位專業歌手。另提到有傳太太有身孕，他笑指是個美麗誤會：「咁啱我太太家姐生咗BB，我太太去探佢影到啲小朋友護身符，令大家有啲聯想。」他笑言若將來太太真的有喜，會立即通知大家。
吳業坤（右一）傳離巢及被除名。
吳業坤透露合約差不多到期但仍未談續約。
吳業坤否認太太有身孕，指係誤會一場
