36E前無綫「咪神」陳沛汶（陳婉衡）昨晚與圈外人老公舉行婚宴。一身性感婚紗打扮的她艷壓全場，不過由進場開始已變身喊包，激動到完全聽不清楚老公的愛的宣言，認真搞笑！談到生育問題，她指暫時想享受二人世界，一切順其自然。
藝人陳沛汶（Alycia）去年「520」宣布婚訊，近日終與圈外甘姓男友拉埋天窗，一對新人前晚於中環6星級酒店筵開14圍，宴請長輩及圈中好友見證，包括節目《3日2夜》監製張志明及黃穎君等，並邀來密友簡淑兒及朱智賢擔任伴娘及姊妹，娛樂新聞台舊同事「泉叔」王鎮泉則負責做大會司儀，場面熱鬧。Alycia早上出門時做足傳統斟茶儀式，裙褂打扮配一身金器，巨型足金手鈪、金花鏈及金豬排分量十足。她選用粉鑽金鳳彩尾褂皇，盡顯其高挑身材。晚上喜宴部分，Alycia改以超低胸一字肩婚紗上陣，超澎湃E Cup上圍十分搶焦，配以腰身透視喱士設計，這位新娘相當「惹火」﹗她及後換上一身中式旗袍與賓客合照，流露燦爛幸福笑容，令人羨慕。預告布吉搞結婚派對經過一晚休息，Alycia昨日接受電話訪問，難掩喜悅表示：「嚟緊我哋仲會喺布吉行禮同開結婚派對，到時老公會再講愛的宣言。其實尋晚（前晚）我哋協議咗唔會講太感動嘅嘢，因為唔想爆喊，點知我一入場見到咁多親朋戚友嚟到見證自己結婚，有啲仲要特登飛返香港，覺得好感動，到老公上台講咗『to my wife』3個字，我就忍唔到眼淚，之後佢講乜都聽唔到，好彩我都好快冷靜，因為唔想整花個妝，哈哈！」談到生兒育女，她表示隨緣，又打趣暫時給老公95分：「淨番嗰5分睇吓佢喺布吉嘅宣言啦，不過我老公中文唔好，佢為咗婚禮好努力咁練習，我覺得佢好有誠意。」她又透露為婚宴事前有戒食，如今終於「放監」，她打趣已準備食自助餐大解放。朱智賢做姊妹團而擔任姊妹的朱智賢與新娘識於微時，試拍過節目時「出生入死」，故很戥對方開心：「喜宴上仲見番咁多無綫舊同事，好多回憶番晒嚟。（最難忘係乜？）咪就係Alycia話自己唔會喊，點知佢老公一開口，佢已經好激動，表情好可愛又搞笑。（你都想快啲搵啱人？）順其自然。」而伴娘簡淑兒指Alycia兩公婆相處得好好：「見到佢出場就喊，我都覺得好感動。其實我哋十幾年前已經約定做對方嘅伴娘，真係做到，好開心！」
