【On.cc】古天樂兩日後搞簽名會 驚現超長人龍排通宵見男神
藝人古天樂（古仔）、林峯主演嘅電影《尋秦記》港澳累積票房衝破8,888萬，古仔將於本周六情人節（14日）為新專輯舉行簽名會，簽名會名額200個由今日（2月12日）上午11時起預購古天樂精選大碟後，即可獲贈簽名會簽名證乙張。人氣爆旺嘅佢，由尋日開始已經有Fans去到現場通宵守候，最高峰多達數百人排隊，唔少粉絲紛紛將慘烈戰果upload上網。
古天樂周六大搞簽名會，今日開賣200個名額。
電影《尋秦記》氣勢如虹。
古天樂乘勝追擊，人氣達頂峰。
有Fans指自己凌晨已經去排隊，喺街食左好耐西北風，都僅獲第28位籌號；有粉絲今晨6點去到現場，都仲有飛；有內地粉絲表示，今晨7點到場攞籌已經係上百號。據知，粉絲由商場3樓排到落地下，惟今次只能簽1隻碟，大家為爭取古天樂簽名機會，真係出盡法寶。
粉絲由商場3樓排到落地下。
有粉絲通宵瞓街，為求得到男神簽名。
有粉絲得償所願攞到籌。
