非洲國家盃決賽，主辦國嘅摩洛哥都令人幾失望，上半場整體乏善可陳，幸好邦奴一夫當關力保不失。換邊後球隊稍微搶返主導權，喺補時6分鐘獲得嘅十二碼，就惹來塞內加爾不滿，一度全體職、球員拉隊離場罷踢，不過喺沙迪奧文尼勸籲下，塞內加爾球員約10分鐘後返回場上比賽。摩洛哥由搏得十二碼嘅巴謙戴亞斯親自操刀，但係佢嘅「Panenka」式射門被艾度亞文迪（Edouard Mendy）輕鬆接住。整體來講，，表現較好嘅係沙巴利以及龍門邦奴，而本場狀態低迷嘅巴謙戴亞斯，呢下處理更加令球隊打「窒」咗道氣。摩洛哥希望以主場之利捧盃，註定又要去失望而回。加時階段塞內加爾憑效力維拉利爾嘅柏比古爾耶（Pape Gueye）喺94分鐘嘅反擊取得入球，最終以1-0擊敗主辦國，繼2021年後第2次贏得該項賽事冠軍。沙迪奧文尼肯定係最開心嘅一位，兩屆賽事奪冠，佢都係主力功臣，賽後亦都成為本屆賽事嘅最有價值球員！決賽過後，今屆賽事嘅各個獎項都名花有主：冠軍🏆- 塞內加爾🇸🇳亞軍🥈- 摩洛哥🇲🇦季軍🥉- 尼日利亞🇳🇬殿軍4️⃣- 埃及🇪🇬最有價值球員- 沙迪奧文尼（塞內加爾）金靴獎- 巴謙戴亞斯（摩洛哥）5球金手套獎- 邦奴（摩洛哥）公平競賽獎- 摩洛哥🇲🇦恭喜曬冠軍塞內加爾🎉🎈🍾🎊🇸🇳🏆本屆非洲國家盃到此暫告一段落，來屆再會！👋african nations cup 🌍⚽️🏆🇸🇳
