鮮娛糧︱陳山聰孖林盛斌梁烈唯扮女僕 緊急呼籲睇完要去廁所由陳山聰、林盛斌（Bob）和梁烈唯主演的馬來西亞賀歲片《媽媽又要嫁》，鐵定大年初一（2月17日）上畫，預告片今日（6日）釋出，只見他與Bob和唯唯齊齊扮女僕，又咬唇又單眼，有網民笑指：「簡直想一巴車埋佢！」就連山聰也在社交網留言：「各位，拜託大家千祈唔好睇呢條 Trailer。如果唔小心撳咗，請即刻劃走，唔好睇到最後。依家我成間公司啲人，全部都喺度笑我扮女裝。我問佢哋：『咁你哋唔笑Bob嘅？』佢哋話：『Bob？我哋一早預咗啦。但你陳山聰…真係估你唔到囉！』（然後一個接一個笑到好賤格）算啦，笑就啱㗎喇，喜劇就係要有人犧牲㗎嘛。溫馨提示：如果見到我扮女裝嗰一幕，大家可以考慮去個廁所先返嚟。」而Bob則留言：「上次分享咗張海報之後，真係多謝大家咁關心我，好多朋友走嚟問我：『你係咪發生咗咩事呀？』其實，真係冇事，只係諗返有一兩場戲，拍嗰陣自己有少少懷疑出嚟嗰個效果。睇到正式預告終於出咗，我即刻send畀身邊啲同事同朋友睇，大家嘅反應又幾好咁喎，有笑、有話『癲』、又有人話「估你唔到會做到咁！」至於有份演出的伍詠薇亦有Po預告片，並留言：「啲劇情咁大膽，真係拍得出街㗎咩？」新片鐵定年初一上畫。陳山聰、林盛斌和梁烈唯大放笑彈。劇情好癲！連山聰自己都驚！Bob搞笑係Dope！仲有唯唯！乜料呀？扮女僕？着定兩條褲啦！扮女人嚟講，都Dope！山聰叫大家慎入。
