視帝陳展鵬演得又唱得，近年亦不斷於內地巡迴舉行音樂會，反應及口碑一致好評。雖然現時展鵬正為無綫新劇《玫瑰戰爭》趕拍中，之後又要到其他地方登台，但日前仍抽空為內地全運會新歌進行MV拍攝，本身以前是乒乓球運動員的展鵬，坦言榮幸與有關方面促成是次合作。他接受東網獨家受訪時謂：「之前音樂人林健華有嚟睇我嘅音樂會，佢曾經為陳奕迅、古巨基、張敬軒作過好多歌，大家一次傾談下覺得可以合作，所以就做咗呢隻深圳區全運會嘅歌《城市裏的光》。」展鵬繼之前推出新歌《白日夢想家》後，今年還會再出多兩、三首歌，當中有廣東及國語歌。
