【On.cc】劉愷威傳拖新歡現身紅館 原來係大烏龍：唔係我嚟！
藝人劉愷威與楊冪離婚後，曾與內地女星李曉峰拍拖，父親劉丹（丹爺）都對她讚口不絕，不過，日前網上流傳一條影片，指見到劉愷威拖着一名長髮、身材豐滿的女仔到紅磡體育館看方力申演唱會。片中男子戴着CAP帽及眼鏡，跟女方泊車後一直拖手，然後於VIP入口進入館內，事後便出現大批「劉愷威有新歡」報道。
網上流出疑似劉愷威拖新歡現身紅館嘅片段。
更引起劉愷威同女星李曉峰分手疑雲。
點知原來片中唔係劉愷威嚟！
不過，劉愷威今日接受東網獨家訪問，直指那位根本不是他，因為他現時亦不在香港，他笑言：「真係唔係我嚟，我都想去睇小方，但我都唔喺香港，我都好耐冇去紅館睇演唱會。」
劉愷威依家身不在香港。
劉愷威今次親自打假。
劉愷威無啦啦多咗個「新歡」。
此外，劉丹擔綱演出的無綫長壽處境劇《愛．回家之開心速遞》即將全劇完結，丹爺雖然精神狀態甚佳，但他已年過80，問愷威會否叫父親休息享受生活及湊孫樂時，愷威謂：「其實好多年前我已經叫老竇退休，不過佢真係太熱愛工作，太愛TVB，我有一次探佢班，佢劇中啲仔女、同事個個錫到佢暈，照顧得佢好好，成班人嘻嘻哈哈，有時諗吓都覺得慶幸佢繼續做吓嘢，雖然好攰，但見佢真係好Enjoy，有啲寄託都幾緊要，但《愛．回家》完咗都應該休息吓嘅！」
劉愷威指自己好多年前已經叫老竇劉丹退休。
劉丹獲《愛．回家》台前幕後愛錫。
劉丹為《愛．回家》主演之一。
