阿Sa新婚20日驚傳離婚即闢謠：我哋仲度緊蜜月. 現年43歲嘅阿Sa蔡卓妍，上月28日先喺IG高調宣布同健身教練男友林俊賢（Elvis）閃婚，甜蜜晒婚戒同婚照，獲全城祝福。點知新婚僅20日，今日（19日）內地網絡突然瘋傳阿Sa「含淚控訴丈夫」嘅消息，甚至一度登上熱搜。傳聞指阿Sa已刪除社交平台婚訊、搬離住所，仲話佢「情緒崩潰」親口表示「已分開一段日子，好聚好散」。傳聞更將阿嬌牽扯其中，話阿嬌冇出席婚禮，質疑兩人25年姊妹情。
不過，翻查阿Sa社交平台，結婚喜訊同婚照依然存在，所謂「刪除婚訊」明顯係假。對於「被離婚」，阿Sa透過經理人霍汶希回覆《香港01》澄清：「全部都係假㗎，阿嬌有去婚禮，阿Sa仲補充一句，我哋仲度緊蜜月！」親自粉碎謠言。
阿sa否认含泪控诉丈夫阿sa说阿娇有去婚礼 阿sa否认离婚传闻
