周嘉洛轉發「變臉」女星報道 陳曉華留言「感恩」 陳浚霆力撐拍檔古佩玲.藝人周嘉洛憑《愛．回家之開心速遞》「金城安」一角入屋，近日喺《正義女神》飾演法官轉型成功，演技備受肯定。不過，近日有報道指莊子璇、陳曉華、古佩玲等女星有「變臉」之嫌，周嘉洛竟然喺社交平台轉發咗呢則新聞，令人側目。結果，陳曉華都留意到周嘉洛嘅舉動，留言「感恩」仲Tag返對方，一切盡在不言中。
事件引發網友對《愛．回家》嘅不滿，矛頭直指古佩玲（飾演素素），狠批佢一加入劇集就企正C位，反而其他用心做嘅演員就被踢走。陳浚霆（飾演風少）隨即留言力撐拍檔：「唔好咁啦！我哋真係好用心做㗎，如果唔合你心意，不如你睇完下一個故事再話我知你O唔OK？」有網民就解釋，問題唔喺陳浚霆度，而係每次寫比風少同素素嘅故事都好麻麻，「如果寫風少同安仔佢哋，我覺得冇問題。」更有網民直言：「啲人唔係唔鍾意你，係唔鍾意你拍檔啫。」事件喺網上持續發酵。TVB
