梁朝偉雞蛋勁深情 網民感謝劉嘉玲：讓我哋見到生活化嘅偉仔.影帝梁朝偉同劉嘉玲相愛38年，感情恩愛如昔，係圈中模範夫妻。劉嘉玲不時喺社交網分享兩夫婦生活點滴，昨日（11日）佢上載一段喺法國南部度假嘅短片，見到梁朝偉喺雞舍旁邊一個接一個咁執雞蛋，動作認真又細心，仲深情望住啲雞蛋，最後拎起裝滿雞蛋嘅籃微笑拍照。劉嘉玲留言：「簡單原始快樂😀 慢生活 簡單的快樂 撿雞蛋的一天」
片段一出即引嚟大批網民留言，有人笑稱「執雞蛋都咁深情」、「做咩事都咁認真，認真嘅樣好型」，更多人就感謝劉嘉玲：「多謝嘉玲姐俾我哋見到生活中嘅偉仔」、「好可愛」、「呢個先係真實嘅影帝」。梁朝偉向來鍾意避世，曾透露為咗唔使社交而長居日本，今次喺法國鄉村過慢活，似乎好享受呢種簡單快樂。
梁朝伟开始捡鸡蛋了
