陳曉華袁偉豪相隔四年再合作拍攝《警聲百二秒》 袁偉豪為71歲媽媽賀壽感幸福
陳曉華（Hera）同袁偉豪（Ben）呢日一齊拍攝《警聲百二秒》，鏡頭外有傾有講，但一Roll機就即刻投入角色。Hera話自己之前拍呢個節目時，獻出首次著女僕衫，今次就可以同Ben一齊型住上。兩人對上一次合作已經係四年前嘅《廉政行動2022》，Ben話Hera工作好忙，間中只會喺公司撞到；Hera就話曾經同Ben去馬來西亞工作，對佢嚟講印象深刻，因為係自己首次去大馬。
日前Ben同太太張寶兒為媽媽慶祝71歲生日，仲特製咗一個復古金龍蛋糕。網民大讚袁媽媽凍齡有術，Ben就話因為媽咪想搞個生日派對開心吓，所以同寶兒一齊統籌，而蛋糕就由朋友設計。Ben認為作為子女可以同媽媽慶祝生日係幸福嘅事，仲希望十年後要再為媽媽搞多個生日派對。TVB
