張寶兒認為有小朋友後，退休更要好好規劃，但退休對於她現階段還有點遠，現在一切也先為小朋友著想，細仔出世後計劃再讀育兒課程，認為學習照顧小朋友是永無休止。問到會否為退休作投資？她笑說：「我覺得放喺仔同老公身上都係投資，等回本。」講到無綫有意「統一管理」藝人的社交網帳號，她說：「冇人搵過我，但有聽聞過，如果公司有足夠資源，可以分擔成本係好事。（唔擔心接管帳戶冇咗私隱？）都擔心，應該係有限度嘅合作，要好深入去再傾。」
無綫節目《中年好聲音4》評判谷婭溦最近稱因工作安排得密密麻麻而退出評審團，《中4》評判張佳添認為谷婭溦由《中2》開始為節目發揮好大作用，是一個好嚴厲的評判，付出好多心血，對參賽者好上心，試過有為參賽者早出局喊了成晚，直言有打聽過新任評審，但應該還未找到，因為長駐評判並不容易找。對於網民希望伍仲衡能回歸？他則認為凡事皆有可能。有傳谷婭溦退出因與評判不和？他則斷言沒有可能，指評判團相處和諧。對於鄧兆尊爆料指谷婭溦離開與資本方有關？他則說：「肯定冇聽過，自己亦一向都唔會回應KOL嘅言論，覺得言論自由，大家聽完自己獨立去思考吓。」對於張崇德批節目變成「外勞」好聲音？他則說：「No Comment。」講到將來退休會否找過伴？他笑謂：「隨緣，睇緣分安排，有就要相處得開心，冇就風流快活，暫時都係冇腳嘅雀仔。」
