傅嘉莉為林志華新劇開工 感性发文：遇上呢兩個人，你的人生變得不一樣.TVB艺人傅嘉莉（Kelly）近日為金牌監製林志華嘅新劇《警是個大佬》正式開工。日前佢喺社交平台IG發文，大談自己喺劇中飾演嘅角色「林凱莉（Kelly）」，字裡行間流露出對角色嘅深刻體會。
傅嘉莉上載咗一張身處車廂嘅照片，並有感而發：「遇上呢兩個人，妳的人生變得不一樣了。繼續坐車前行，或是下車休息一下，全都是自己嘅選擇。」
佢同劇中角色打招呼：「您好，林凱莉Kelly。」透露自己喺埋位之前，已經為角色寫低好多點點滴滴，努力尋找心靈上嘅感應。雖然傅嘉莉覺得自己同Kelly有好多相似嘅地方，但佢特別提到：「但妳嘅成長背景家庭就像童話般幸福。」
最後，傅嘉莉不忘祝自己開工大吉，並寫下：「珍惜演戲嘅每一天。」
《警是個大佬》係TVB2026年首部開拍嘅自製劇，以「靈魂穿越」為題材，集警匪、喜劇於一身，演員陣容仲包括羅子溢、林盛斌、王敏奕、賴慰玲等。傅嘉莉喺劇中會同羅子溢有感情線，並有親密接觸場面，令人期待。TVB
