佘詩曼回應「令TVB轉虧為盈」：功勞唔止我一個.佘詩曼8日出席TVB 77工作室春茗。去年《新聞女王》叫好叫座，不但為TVB贏盡口碑，更被指帶動了母公司的業績，令TVB成功轉虧為盈。阿佘在接受采访时回應说：「咁可以幫人賺錢梗係開心啦，win-win（雙贏）囉！」
「咁我覺得功勞唔止我一個嘅，監製啦、編劇啦⋯⋯各位演員們啦，其實所有幕前及台前幕後呀，就算觀眾都要多謝！」她強調，如果沒有觀眾的支持，整件事根本不會成功：「所以其實要多謝嘅人實在太多囉，唔係一個人嘅事。」不過，性格直率的她最後亦忍不住幽默補上一句神級金句：「但係開心嘅，賺錢喎，邊個唔開心啫？」
早前劉松仁在社交平台公開與阿佘等十幾多位曾合作過女星的合照，阿佘秒速肯定並大讚對方為人親切貼地：「佢係一個絕對無架子嘅前輩，咁所以同大家都玩得好癲。」阿佘坦言，很多時觀眾看松哥的劇集角色都比較嚴肅沉穩，但在片場裡，松哥從來不會給予晚輩壓力：「佢唔會擺起個款呀、好嚴肅呀咁，所以咪大家都變到好close。」這種放鬆的拍攝氛圍，亦令當時的合作留下了極多美好回憶。
當記者好奇問她拍了這麼多套戲，究竟是如何抽離角色的感情時，阿佘笑言這完全是逼出來的專業：「拍咗咁多其實都知道點樣抽離㗎啦，其實係工作嚟㗎嘛呢件事。同埋你劇接劇，你唔抽離唔得呀，因為我要（趕住）拍下一套。」被問到哪一部戲最難抽離，她毫不猶豫地說出神劇《天與地》的名字：「《天與地》我都抽離唔到，有少少。因為好heavy個角色。」
提起劇中「葉梓恩（阿Yan）」一角，阿佘眉頭微蹙地解釋當時的心理壓力：「因為一嚟到就知自己個男朋友死咗，咁跟住又懷疑自己三個好朋友係食咗我個男朋友。變到成個劇情都好heavy。」她透露，當時由第一日開工起，整個人就已經陷入了一個極度不開心的狀態：「成個戲開嘅時候，投入角色係好deep嘅，所以都需要一啲時間去recover。」幸好身為當家花旦的她劇接劇，只要一接到下一個新角色，就能借助新工作將自己從深淵中拉出來。
TVB
