【On.cc】馬國明蕭正楠率軍7子去「滾」 撇甩老婆仔女有圖有真相
昨日（3日）是元宵佳節，是大團圓的好日子，一眾有家室的小生一於唔理老婆，齊齊去滾！原來馬國明、張頴康、洪永城、蕭正楠、曹永廉、張達倫和徐榮一行7人，昨日組成「大丈夫兵團」，昨日撇下老婆和子女，齊齊去滾打邊爐。
張頴康留言：「今晚過咗一個好奇怪嘅元宵！所有人都擺低晒啲老婆小朋友喺屋企，然後一班麻甩佬出嚟傾偈打邊爐，仲要一齊食湯圓！因為，所有人都係得今日唔使工作，可以約得齊！所以，各位老婆們，小朋友們！唔好怪我哋，我哋都係身不由己！祝大家元宵節快樂！」曹永廉亦出Po：「如果呢班人一齊拍部劇，我願意自己畀飯盒錢😁👍👍」雖然7子面上掛上笑容和舉V，但網民看出他們狀態相當疲憊，又要顧家又要開工，認真辛苦了老公。不過黃翠如留言：「你哋就開心啦！」這句可圈可點！
7個男人去「滾」！
有圖有真相！
黃翠如留言可圈可點！
曹永廉接受訪問時，表示：「蕭正楠吹雞食飯，咁啱嗰日得，原本我哋約咗馬國明一齊去徐榮度練歌，咁就不如一齊啦。我都唔知嗰日係元宵，我老婆嗰日都出咗去食飯，跟住佢嚟接我。好開心呀呢啲聚會，平時唔係成日係咁，好少咁樣聚到，要好好珍惜，等黎諾懿返香港再聚過。」
kennethma马国明萧正楠
