藝人何廣沛與陳曉華（Hera）今日（18日）為無綫劇《非常檢控觀》宣傳，兩人在劇

藝人何廣沛與陳曉華（Hera）今日（18日）為無綫劇《非常檢控觀》宣傳，兩人在劇中演出其中一個單元，活動上他們重演劇中場口。廣沛以劇中的歌手身份出現，並獻唱劇集插曲《懲人淚》，劇內飾演其太太的Hera突然將對方撲倒，並強行掀開廣沛的外套，真空的廣沛早有準備，將宣傳貼紙貼在胸前，力保兩點不失。廣沛透露《懲人淚》是他的第一首歌曲，坦言沒有想過要公開獻唱：「我說服唔到自己係歌手，所以以歌手身份出嚟有啲驚。我第一次入錄音室錄歌，完全唔識點做，之前喺屋企練習，去到錄音室發覺係錯晒，錄咗個幾鐘都唔知做緊乜，錄到好崩潰。（會唔會想再有新歌出？）當然想。」問他為何在胸前貼貼紙？他就指Hera「狼死」，在劇中就被對方搞到露點，他講笑謂：「我介意畀佢搞到露點，唔想畀佢沾污我，哈哈！」Hera指角色有難度，講她被人思想控制而分不清現實：「監製叫我喺現場唔好同人傾偈，要我暱埋一邊，因為角色係好孤獨。」她稱拍攝她撲倒何廣沛一幕時甚有壓力：「好驚推唔低佢，我記得自己個樣拍出嚟好猙獰。」廣沛即笑言Hera令到他有心理創傷。