【On.cc】台慶頒獎禮︱張振朗恨冧莊視帝 龔嘉欣攞埋主持就大滿貫上屆視帝張振朗及上屆視后龔嘉欣今日出席《萬千星輝頒獎典禮2025》提名名單揭盅，振朗憑《奪命提示》與《刑偵12》提名「最佳男主角」及最佳電視歌曲獎，今年沒有劇集播出的嘉欣在最佳女主角提名上捧蛋，僅入圍最佳女主持。振朗在台上拉票時直言恨冧莊視帝，並揚言若再得獎，爭取公司餐廳凍飲免加兩元兩天日及在公司增加兩個電動車充電位，受訪時，他笑言因上年獲獎好開心，出動利誘是想為大家謀福利，問到觀眾有何福利？他說：「獎佢哋睇多啲我演嘅劇。（得獎會結婚？）未咁快，放心。（攞獎就喺台上公布結婚？）等嘉欣公布先。」講到勁敵，他指每一位都是：「好似林保怡，我好榮幸同佢一齊合作，喺佢身上學到好多嘢，前輩始終係前輩，功力深厚。另一個就係羅子溢，佢哋都係超級勁嘅對手。」又點名入圍最佳女主角的傅嘉莉。對於入圍最佳電視歌曲，他大感開心，指歌曲由多位劇中演員合唱，構思大膽又特別，希望可以獲獎，並揚言：「對歌曲獎有信心，我都想上台講感受。」但提到他與新人在台慶獻唱成車禍現場，他指不關自己事，讚一班新人站出來唱歌已很勇敢，但仍要再努力，有很多進步空間。張振朗恨冧莊視帝。視羅子溢為最大對手。最開心入圍歌曲獎。而嘉欣感恩獲提名最佳女主持：「冇諗過上年攞咗視后，今年可以提名女主持，我係第一次入圍女主持，希望可以一擊即中。其實拍劇同做主持係相輔相成，兩邊都學到好多嘢，最重要係裝備好自己。」她指在綜藝節目《在家宴客50道菜》中收穫甚多，得多位大廚收自己為徒，最近拍第二季，被取笑為何拍完第一季後仍未嫁得出，證明自己在廚藝方面要再努力，問她是否想快過振朗結婚？她說：「可以，因為呢啲好難講！（想攞主持獎先定係嫁先？）攞完先嫁。我之前已經攞咗最佳女配同視后，攞埋呢個就大滿貫，好圓滿。」問到視后會看好佘詩曼還是宣萱？她坦言好難揀：「我想支持陳曉華，無論得唔得到獎都好，都想畀個鼓勵佢。」
