【On.cc】黃翠如陳詩欣陪囝囝過首個中秋 真正幸福到模糊
今年是藝人黃翠如與蕭正楠首度與囝囝「蕭哈哈」過中秋，兩人為囝囝DIY燈籠，期間蕭正楠取笑老婆手腳慢：「就快玩到冇電，你都未整到！」翠如哈哈笑反擊，寸老公的燈籠漏光，兩公婆拍片大耍花槍，閃盲網民！完成後，一家三口躺在床上玩燈籠，見「蕭哈哈」非常激動，扯着爸爸的頭髮碌來碌去，蕭正楠一臉痛苦，在旁的翠如笑住「食花生」。事後翠如在社交網分享老公的「受難」過程，寫道：「我們第一次過的中秋節，嘗試努力拍點節日相，睇得出蕭哈哈對於蕭爸爸整的燈籠有着很大的感受。」雖然照片「幸福到模糊」，但網民睇得十分開心，蕭正楠還搞笑補充：「中秋少了一束毛。」
黃翠如同蕭正楠陪「蕭哈哈」過中秋，玩到冇電。
DIY燈籠，Sweet～
燈籠漏光勁好笑。
至於另一新手媽媽、前無綫小花陳詩欣，今年中秋更有雙重意義，她上載一家三口賞月照，寫道：「今年中秋節好特別啊！第一年多咗個小陳生，同埋今年中秋是我同大陳生拍拖7周年，阿爸阿媽真係唔捨得抌低你呀！喺屋企同你過啦！」她又捧着有米老公陳爾正送的大束鮮花笑問：「7年，你癢嗎？」相中老公輕吻她的臉龐，幸福滿瀉。
陳詩欣都係新手媽媽。
今年係囝囝第一個中秋，又係佢同老公拍拖7周年。
陳爾正送大束鮮花畀老婆。
