【On.cc】王敏奕陪老公日本開工　趁機行街掃貨藝人王敏奕今午現身電視城，出席節

【On.cc】王敏奕陪老公日本開工　趁機行街掃貨

藝人王敏奕今午現身電視城，出席節目《攻你上大學》錄影。談到近期似乎成為「失蹤人口」，鮮有在螢光幕露面，她笑答：「因為未開工嘛，同埋之前我陪咗老公去日本，出席佢新戲嘅放映，順便去咗個小旅行。（去咗好興奮？）我哋同佢啲工作拍檔一齊去，好熱鬧。都兩個吉篋去，買滿晒返嚟，以前冇咁鍾意行街，依家會睇多咗嘢，行吓化妝品店同頭髮用品。同埋因為嚟緊要拍廣告，所以都冇乜點食嘢。」

王敏奕出席節目《攻你上大學》錄影。

最近少有露面的她，原來陪老公去日本開工。

王敏奕透露快要準備《新聞女王2》宣傳工作。

對於會否獲獎，她就表示盡自己努力拍劇就已經賺了。

王敏奕透露應該下月開工，相關項目正在接洽中，又指很快便要投入《新聞女王2》宣傳工作：「我對呢個作品好大期待，睇劇本嘅時候已經好喜歡，拍嘅時候更加覺得今次嘅製作水平比之前高，一眾演員都好投入，感情更加豐富。（有信心台慶獲獎？）有，套劇好好睇㗎。（個人獎項呢？）呢方面唔會諗，盡咗自己最大努力係分內事，同埋拍攝過程咁享受，已經賺咗啦。」

兩位本屆港姐亞軍施宇琪及季軍袁文靜當選一個月，便被安排搭檔林盛斌主持《攻你上大學》，兩人大表雀躍。袁文靜坦言：「好緊張㗎，因為第一次做主持。（好多蝦碌嘢？）有，不過可以重錄，同埋Bob整蠱我，到時大家睇吓啦。（廣東話稿搞得掂？）我嗰啲好簡單，淨係Rap住講賽制。（會唔會接唔到Bob講嘅嘢？）唔緊要啦，俾觀眾笑吓。」

本屆港姐亞軍施宇琪及季軍袁文靜，被安排搭檔林盛斌主持。

袁文靜被爆日前錄影節時「辛苦到喊」。

二人否認杯葛冠軍陳詠詩，指平時亦會約食飯。

施宇琪則於節目內負責問問題：「所以要保持一個嚴肅嘅形象。（你哋咁高學歷，啲問題有冇考到你哋？）梗係有啦，好多都唔識答，常識題其實都唔算常識。」袁文靜被爆日前錄影節時「辛苦到喊」，她亦承認：「因為着住高踭鞋企足7、8個鐘，完全腰酸骨痛，好辛苦。（驚咗幕前發展？）又唔會，慢慢就可以習慣。」施宇琪補充指她們同甘共苦，又趁機向公司獻媚：「其實我好鍾意辛苦。（傳妳哋杯葛冠軍陳詠詩。）梗係唔係啦，佢去咗曼谷旅行咋，咁我同袁文靜一齊做節目，就會見多啲。」袁文靜即透露稍日內將與陳詠詩見面：「咁啱有工作，同埋我哋會約食飯，只係有時素顏，所以冇將合照Po出嚟啫。」